am geschriwwene
Lëtzebuergeschen
Wëllkomm bei mengem Annotatiounsprojet
Mäin Numm ass Jacques Spedener an ech sinn Doktorand op der Uni Lëtzebuerg. A menger Dokteraarbecht analyséieren ech de Sproochewiessel am geschriwwene Lëtzebuergeschen an do sinn ech op d’Hëllef aus dem Public ugewisen. Ech géif mech freeën, wann Der Iech Zäit fir e puer Aufgabe géift huelen.
Wann Dir bei dësem Annotatiounsprojet matmaacht, hutt Der d'Chance ee vun zwee Amazon.de-Bongen am Wäert vu 50 € ze gewannen.
Den Opbau vum Projet:
Gitt Är sozial Donnéeën a fir d'Auswäertung
(ronn 2 Minutten)
Gitt Är perséinlech Aschätzung fir eenzel Wierder, ob se fir Iech Lëtzebuergesch sinn oder net.
(ronn 10 Minutten)
Dir kritt en Text a musst uginn, ob verschidde Wierder oder Expressioune fir Iech Franséisch, Däitsch oder Englesch sinn.
(max. 80 Minutten)
Fir unzefänken:
Registréiert Iech mat engem fräi gewielte Benotzernumm & Passwuert, fir e Matmaach-Link ze kréien. Är Donnéeë gi just fir dëse Projet an am Kader vun den GDPR-Regulatioune gespäichert.
Anonymitéit: All d'Texter aus den Aufgabe goufen aus Dateschutzgrënn anonymiséiert!
Zougang: Dësen Annotatiounsprojet kann ee just op engem PC oder Mac maachen!(Smartphones an Tablets gi leider net)!
Deadline: Den Annotatiounsprojet ass just fir zwee Méint online. Nom 01.07.2025 ass Äre Link leider net méi gülteg
Wat ass d'Zil vun dësem Projet?
Dëse Projet dréit sech ëm d'Phenomeen vum Code-Switching – vum Sproochewiessel an enger Sprooch. Mat Ären Annotatiounen a Bewäertunge wëll ech erausfannen, wéi Méisproochegkeet a friem Elementer an engem lëtzebuergeschen Text wouergeholl ginn.
Villmools merci, dass Der mäi Projet mat Ären Aschätzungen ënnerstëtzt. An dësem Kontext gëtt et kee Richteg a kee Falsch: Et soll erausfonnt ginn, wéi méisproocheg Praktiken am Lëtzebuergesche bewäert ginn.